Бичил долгионы тухай

Бичил долгион гэдэг нь дециметр, сантиметр болон миллиметрийн урттай долгионуудын ерөнхий нэршил юм. Бичил долгион нь биеийн эд эсэд нэвтрэн орох өндөр чадвартай байдаг.

Эмчилгээний онол:Хорт хавдрын эсүүд нь халуунд маш мэдрэмтгий. Хавдрын голомтыг халаахад хавдрын эсүүд үхэж , харин эрүүл эсүүд амьд үлдэх чадвараа хадгалдаг байна.

Эмчилгээний механизм:

• А. Хорт хавдрын эсүүд нь усны агууламж ихтэй байдаг. Бичил долгион нь эд эсэд нэвтэрч хавдрын голомтод хүрмэгц эс доторх усны молекулуудын хөдөлгөөнийг идэвхжүүлж, дулаан ялгаруулдаг. Голомтын температур 41°C ~ 43°C хүрэх үед РНХ болон ДНХ-ийн нийлэгжилт саатаж, эс үхэж эхэлдэг. Мөн 40°C-аас дээш халаахад хавдрын доторх бичил судасны өсөлт зогсож, хүчиллэг орчин (PH) нэмэгдсэнээр хавдрын бүтэц алдагддаг. Температурыг 43°C-д 30 минутын турш барихад ихэнх хавдрын эсүүд устдаг.

• Б. Хавдрын доторх цусны судасны бүтэц жигд бус байдаг тул халах үед хавдрын голомтын температур орчмын эрүүл эдээс харьцангуй өндөр болдог.

• В. Дархлааны тогтолцоог идэвхжүүлдэг.

　　Найман эх үүсвэрээс долгион ялгаруулж, халаалтыг жигд хуваарилдаг. Халаах хүрээг тохируулах боломжтой бөгөөд долгионы эх үүсвэрүүд нь хэвлий болон нурууны талаас зэрэг үйлчилдэг тул арьс түлэгдэх эрсдэлгүй.

Хэрэглэх заалт 

• Анхны эмчилгээний дараа хавдар дахисан тохиолдолд

• Үсэрхийлсэн эсвэл үсэрхийлэх магадлалтай хавдрууд

• Мэс заслын өмнөх болон дараах нэмэлт эмчилгээ

• Туяа болон хими эмчилгээтэй хавсарч хэрэглэх

• Мэс засал болон туяа эмчилгээ хийх боломжгүй өвчтөнүүд

• Химийн эм болон бусад эмчилгээнд тэсвэртэй болсон тохиолдолд

• Хавдрын гаралтай плеврит (цээжний хөндийд ус хуримтлагдах), асцит (хэвлийд ус хуримтлагдах)

• Хожуу үеийн хавдрын хөнгөвчлөх эмчилгээ

• Хавдрын гаралтай өвдөлт намдаах эмчилгээ

6. Хориглох заалт 

• Тархины үндсэн болон үсэрхийлсэн хавдар, тархины судасны эмгэг, тархины хаван, гавлын дотоод даралт ихсэх, ухаан санаа сарних

• Зүрхний хүнд хэлбэрийн өвчин, хэм алдагдал, зүрхний дутагдал, зүрхний цохилт зохицуулагч суулгасан, хяналтгүй артерийн даралт ихсэлт

• Амьсгалын замын дутагдал (уушгины агааржуулалт хэвийн хэмжээнээс 60%-иас бага байх)

• Элэг, бөөрний дутагдал

• Цус бүлэгнэлтийн эмгэг, гемоглобины хэмжээ 60г/л-ээс бага байх

• Ясны чөмөгний үйл ажиллагаа дарангуйлагдсан, лейкоцитын (WBC) хэмжээ 2.0 × 10⁹/л-ээс бага байх

• Сүрьеэгийн идэвхтэй үе, хүнд халдварт өвчин, биеийн температур 38℃-аас дээш байх

• Ил шархтай эсвэл бүрэн эдгэрээгүй мэс заслын сорвитой өвчтөнүүд

• Биеийн ерөнхий байдал маш сул, KPS үзүүлэлт 60-аас доош байх

• Температур мэдрэх чадвар муутай өвчтөнүүд

Анхааруулга: Биедээ металл гадны биеттэй , ерөндөг (БТЗ) хэрэглэж буй эмэгтэйчүүд, жирэмсэн болон хөхүүл эхчүүд маш болгоомжтой хэрэглэх эсвэл эмчээс зөвлөгөө авах шаардлагатай.

Эмчилгээний үр дүн

Эмчилгээний өмнө БА Дараах харьцуулалт