Эхо (УЗИ) болон КТ-ийн хяналтан дор бичил долгионы абляцийн зүүг хавдрын голомтод нэвтрүүлнэ. Бичил долгион нь өндөр давтамжийн цахилгаан соронзон долгион бөгөөд эд эсэд нөлөөлөхдөө их хэмжээний энерги ялгаруулж, бичил хугацаанд температурыг 60-70°C хүртэл нэмэгдүүлдэг. Ийм өндөр хэмд хавдрын эсүүд агшин зуур дегенерацид орж, эргэж буцалтгүй үхжил үүсдэг.

Хэрэглэх заалт 

1. Бамбай булчирхайн зангилаа болон хавдрууд.

2. Хөхний фиброма, уйланхай болон бусад хоргүй хавдрууд.

3. Элэг, уушгины хорт хавдар болон бусад хатуу хавдрууд.

4. Эрт үеийн хавдрууд (мэс засал хийлгэх хүсэлгүй өвчтөнүүдэд).

5. Үсэрхийлсэн хавдрууд.

Давуу талууд

1. Зүсэлтгүй мэс засал: Биед мэс заслын сорви үлдэхгүй.

2. Хурдан үр дүн: Эмчилгээний хугацаа богино, үр дүн хурдан илэрнэ.

3. Гэмтэл бага: Цус алдалт маш бага, эмчилгээний дараа хурдан тэнхэрнэ.

4. Аюулгүй: Туяа болон хими эмчилгээний хорт нөлөөгүй, дархлааны тогтолцоог гэмтээхгүй.

5. Эрхтний үйл ажиллагааг хамгаалах: Ялангуяа бамбай булчирхайн үйл ажиллагааг хэвээр үлдээж, эрүүл эдийг гэмтээхгүй.

6. Давтан хийх боломжтой: Хавдар дахисан эсвэл үсэрхийлсэн тохиолдолд олон удаа давтан хийж болно.

7. Зардал бага: Бусад эмчилгээтэй харьцуулахад эдийн засгийн хувьд хэмнэлттэй.

Хориглох заалт 

1. Хэт том хэмжээтэй хавдар.

2. Мэдрэлийн судал, томоохон судас болон хөндийт эрхтнүүдийн дэргэд байрласан хавдар.

3. Биеэр тархсан өргөн хүрээний үсэрхийлэл, элэгний тархмал эмгэгүүд.

4. Цус бүлэгнэлтийн хүнд эмгэг.

5. Элэг, бөөрний хүнд дутагдал.

6. Зүрх, уушгины хүнд дутагдал.

7. Хурц буюу идэвхтэй үеийн халдварт өвчин.

8. Бамбай булчирхайн хурц үрэвсэл эсвэл Хашимотогийн тиреоидит.

9. Сорвижих хандлагатай өвчтөнүүд.

Техникийн онцлог болон үр дүн

• Өндөр аюулгүй байдал: Эхо хяналтын дор хавдрыг нарийн тогтоож устгаснаар мэдрэл болон судсыг гэмтээх эрсдэлийг багасгаж, бамбай булчирхайн үйл ажиллагааг бүрэн хадгална.

• Богино хугацаа: Эмчилгээ ердөө 15-30 минут үргэлжлэх бөгөөд өвчтөн богино хугацаанд хэвийн амьдралдаа эргэн орно.

• Гоо зүйн давуу тал: Зүүний хатгалт ердөө 1.4 мм байх тул сорви үлдэхгүй.

• Үр нөлөө: Хавдрыг бүрэн устгах чадвартай, дахилт үүсэх эрсдэл бага. Хавдар устсаны дараа үхжсэн эд аажмаар биед өөрөө шимэгддэг. Бамбай булчирхайн дутагдалд орох эрсдэлийг эрс бууруулна.

Тусгай эрхтнүүдийн эмчилгээний онцлог

Бамбай булчирхайн хавдрын үед:1.4 мм-ийн диаметртэй зондыг бамбай булчирхайн зангилаа руу нэвтрүүлж, өндөр хэмийн дулаанаар хавдрыг агшин зуур устгана. Энэ нь гэмтэл багатай, сорви үлдэхгүй, аюулгүй арга юм.

Хөхний хавдрын үед:

• Сорвигүй: Мэс засалгүй тул гоо сайхныг бүрэн хадгална.

• Хурдан: 2 см хүртэлх хэмжээтэй фибромаг 15-30 минутанд эмчилнэ. Эмчилгээний дараа 2 цаг болоод босож алхах боломжтой ба 1 хоногийн дараа эмнэлгээс гарна.

• Хэсэг газрын мэдээ алдуулалт: Өвдөлтгүй бөгөөд өвчтөн ухаантай байх үед эмчилгээ хийгдэнэ. Ерөнхий мэдээ алдуулалтын эрсдэлээс зайлсхийнэ.

• Дахилтгүй: Клиникийн судалгаагаар энэ аргаар эмчлэгдсэн 200,000 өвчтөнд дахилт ажиглагдаагүй байна. Булчирхайн эд эсийг бүрэн хадгалж, амьдралын чанарыг дээшлүүлнэ.