Криоабляци эмчилгээ (CSA) нь хавдрыг устгах орчин үеийн чухал технологи юм. Үндсэн зарчим нь хавдрын эд эсийг -160°C-аас доош хэмд хурдан хөлдөөж, дараа нь эргэн дулаацуулах замаар хавдрын эсийг усгүйжүүлж, хагалах үйлчилгээ үзүүлдэг. Мөн хавдрын тэжээгч судаснуудыг гэмтээснээр хүчилтөрөгчийн дутагдалд оруулж, хавдрын эсийг үхүүлдэг байна. Хөлдөөлтийн дараа биед үлдсэн хавдрын үхэжсэн эдүүд нь антиген болж, организмын хавдрын эсрэг дархлааны урвалыг идэвхжүүлдэг. Хөлдөөсөн хавдрын эсүүд хими болон туяа эмчилгээнд илүү мэдрэг болдог тул эдгээр эмчилгээний үр дүнг нэмэгдүүлдэг давуу талтай.

Эмчилгээний явц

Крио эмчилгээг мэс заслын явцад, дурангийн тусламжтайгаар эсвэл арьсан дээгүүр хатгалт хийх замаар гүйцэтгэдэг. Хамгийн түгээмэл нь арьсан дээгүүр хатгах арга бөгөөд хэт авиан оношилгоо (ЭХО) эсвэл КТ (CT) аппаратын хяналтан дор хөлдөөгч зүүг (зонд) хавдар руу чиглүүлэн оруулна.

1. Хөлдөөх үе: Аргон хийг шахаж хавдрын доторх температурыг огцом бууруулна.

2. Дулаацуулах үе: Гели хийг шахаж мөсөн бөмбөлгийг эргэн дулаацуулна.

Энэхүү "хөлдөөх – дулаацуулах" үйлдлийг дор хаяж 2 мөчлөг (цикл) давтана.

Хагалгааг ихэвчлэн ерөнхий мэдээ алдуулалттай хийх ба ЭХО эсвэл КТ-ийн тусламжтайгаар хатгалтын явцыг цаг тухайд нь хянадаг. Аргон хийн тусламжтайгаар 15 секундын дотор хавдрыг -140°C-аас -170°C хүртэл хөлдөөж, 15-20 минут байлгасны дараа Гели хийгээр 3-5 минутын дотор +20°C-аас +40°C хүртэл огцом халаана. Хөлдөөлт нь хавдрыг бүхэлд нь, мөн түүний эргэн тойрон дахь 5-10 мм эрүүл эдийг хамрах хүртэл үргэлжилнэ. Том хэмжээний хавдарт олон тооны зүү зэрэг ашигладаг. Энэхүү халуун, хүйтэн ээлжлэх арга нь хавдрын эдийг үр дүнтэй устгадаг. Хамгийн гол нь Аргон-Гели хутганы хөлдөөх болон халаах үйлчилгээ нь зөвхөн зүүний үзүүр хэсэгт төвлөрдөг тул зүү орсон зам дахь бусад эрүүл эдийг гэмтээдэггүй.

Давуу талууд

1. Бие даасан эмчилгээ: Хавдрыг бага хүрцэт аргаар эмчлэх бие даасан арга бөгөөд мэс засал, хими, туяа эмчилгээтэй хавсарч болно.

2. Тархалтыг зогсоох: Мэс засалтай хавсарч хэрэглэснээр хавдрыг авах үед эсүүд үсэрхийлэх эрсдэлийг бууруулна.

3. Бага хүрцэт: Ердийн мэс засалтай харьцуулахад эрүүл эдийг бага гэмтээдэг, шарх багатай, олон удаа давтан хийх боломжтой.

4. Хурдан нөхөн төлжилт: Хөлдөөсөн эдийг биеэс гадагшлуулж авах шаардлагагүй тул цус алдалт бага, хагалгааны хугацаа богино, өвчтөн хурдан тэнхэрнэ.

5. Нарийн зүү: Хөлдөөгч зүү нь маш нарийн (1.4-2 мм) тул өвчтөнд ирэх ачаалал бага.

6. Гаж нөлөөгүй: Хими болон туяа эмчилгээнд илэрдэг хордлогын гаж нөлөө илрэхгүй.

7. Өргөн хүрээний хэрэглээ: Бараг бүх төрлийн цуллаг хавдарт тохиромжтой. Том хэмжээний (5 см-ээс дээш) болон олон тооны хавдрыг эмчлэх боломжтой. Судас гэмтээх эрсдэл бага тул мэс засал хийх боломжгүй том судастай ойр байрласан хавдрыг ч эмчилж болно.

8. Дархлаа дэмжих: Хавдрыг устгахаас гадна биеийн дархлааг идэвхжүүлж, хөлдөөгөөгүй хэсэг дэх үсэрхийлсэн хавдрыг устгахад тусална.

9. Хавсарсан нөлөө: Хими, туяа эмчилгээний тунг багасгаж, эмчилгээний хугацааг богиносгон, гаж нөлөөг бууруулахын зэрэгцээ хавдрын даялтыг сааруулна.

Эмчилгээний заалт (Тохирох хавдрууд)

Бараг бүх төрлийн цуллаг хавдрын үед тохирго жишээлбэл:Элэгний хавдар、Уушгины хавдар、Бөөрний хавдар、Өндгөвчний хавдар、Төвөнхийн хавдар、Төмсөгний хавдар、Умайн болон үтрээний хавдар、Нойр булчирхайн хавдар、Хөхний хавдар、Ясны хорт   хавдар、Түрүү булчирхайн хавдар、Меланома (Арьсны хавдар)、Толгой, хүзүүний       хавдар、Зөөлөн эдийн хавдрууд болон бусад хорт ба хоргүй хавдрууд.

　　Доктор Ню Лижи болон түүний крио мэс заслын судалгааны баг　　

　　Доктор Ню Лижи Италид Олон улсын хөлдөөх нийгэмлэгийн ерөнхийлөгч доктор Франко болон Испани эмч Педро нарт крио мэс заслын аргыг үзүүлэв.

　　Доктор Ню Лижи, доктор Франко, доктор Лю Жэнпин нар Индонезид крио мэс заслын үзүүлбэр үзүүлжээ.

　　Олон улсын крио мэс заслын нийгэмлэг нь Фуда эмнэлэгт Ази, Номхон далайн крио мэс заслын сургалтын төвийг байгуулсан.

　　Крио хадгалалтын 14 дэх олон улсын бага хурлын үеэр Фудагаас ирсэн Сюй Кэчэн, Ню Лижи нар Дэлхийн крио эмчилгээний тусгай хувь нэмрийн шагнал хүртлээ.

　　Доктор Ню Лижи Японы 36 дахь удаагийн Криогенийн Анагаах Ухааны Олон Улсын Бага Хурлаас Ерөнхийлөгчийн шагнал хүртлээ.