5-р сарын 10-ноос 11-ны өдрүүдэд Египетийн Интервенцийн Радиологийн Эмчилгээний Нийгэмлэгийн (ESTIR) хоёрдугаар ээлжит эрдэм шинжилгээний хурал нийслэл Каир хотноо амжилттай болж өнгөрлөө. Анагаах ухааны төрөл бүрийн салбарын тэргүүлэх мэргэжилтнүүд нэгэн дор цугларч， эрдэм шинжилгээний томоохон үйл ажиллагааг хамтдаа өрнүүлэн， тэргүүлэх чиглэлийн үр дүнгүүдээс хуваалцаж， эмнэлзүйн практикийг тасралтгүй урагшлуулахын төлөө санал бодлоо солилцлоо.

　　Гуанжоу Фуда хавдар судлалын эмнэлгийн ерөнхий захирал Ниу Лижи урилгаар оролцож， "Уушгины хавдрын крио-абляци" болон "Хөлдөөх абляцийн эмнэлзүйн хэрэглээ ба дэвшил" гэсэн хоёр үндсэн сэдвээр хоёр удаагийн гайхалтай эрдэм шинжилгээний илтгэлийг тавилаа.

　　Ерөнхий захирал Ниу Лижи арвин баялаг эмнэлзүйн тохиолдол болон нарийвчилсан баримт нотолгоонд тулгуурлан уушгины хавдрын эмчилгээнд хөлдөөх абляцийн технологийн үзүүлэх давуу талуудыг системтэйгээр тайлбарлаж， эмчилгээний үйл явцад түгээмэл тохиолддог асуудлуудад хэрэгжүүлэх боломжтой шийдлүүдийг санал болголоо. Тэрээр тэмдэглэхдээ， хөлдөөх абляци нь бие махбодод гэмтэл багатай， цус алдалт багатай， эмчилгээний хугацаа богино， нөхөн сэргэлт хурдан гэх мэт давуу талтай төдийгүй бие махбодын дархлааны тогтолцоог бүхэлд нь идэвхжүүлдэг бөгөөд бараг бүх төрлийн хатуу хавдарт хэрэглэх боломжтой тул эмнэлзүйн өргөн хүрээтэй хэрэглээний ирээдүйг харуулж байна.

　　Дурдах нь зүйтэй нэгэн зүйл бол， нэг сарын өмнө ерөнхий захирал Ниу Лижи Египетийн элэгний хавдрын үндэсний чуулганд урилгаар оролцож "Элэгний хавдрын крио-абляци" сэдэвт илтгэлийг тавьсан нь Египетийн мэргэжил нэгт нөхдийн дунд маш их талархал， хүлээн зөвшөөрлийг хүлээсэн билээ.

　　Энэ удаад Египетийн интервенцийн анагаах ухааны хуралд дахин уригдаж， тусгай илтгэл тавьсан нь хавдрын крио-абляци эмчилгээний салбарт Хятад улсын олон улсын нөлөөллийг улам бүр тодотгон харууллаа. Өдгөө улам олон улс орон энэхүү технологийг нэвтрүүлж， дэлгэрүүлж байгаа бөгөөд Хятад улс нь энэ салбарт дэлхийн манлайлагчдын нэг болсон нь эргэлзээгүй юм. Хятадын эмнэлгийн технологи болон түүний тоног төхөөрөмж нь "Нэг бүс， нэг зам" санаачилгын хүрээнд Хятад улсын гялалзсан нэрийн хуудас болон хөгжиж байна.